Actualités

Fanaovam-beloma farany an’i Tsilavina Ralaindimby Noredonin’ny rehetra ny “Ny lanitra mangamanga”

Actualités
Alakamisy 01 Martsa 2018

Tamin’ny fanaovam-beloma farany ny nofo mangatsiakan’i Tsilavina Ralaindimby tao amin’ny efitrano Rado tetsy amin’ny tranombokim-pirenena Malagasy tetsy Anosy,

omaly nialoha ny nitondrana azy teny amin’ny Cathédrale Internationale Andohalo sy teny amin’ny Fasan’ny Karana, no niredonan’ny fianakaviana sy ireo mpanotrona maro dia maro niaraka tamin’ny ritso-balihan’i Zan-Bà ny hira “Ny lanitra Mangamanga” izay anisan’ny tena nankafiziny fony fahavelony ary koa niantsan’i Andry Andriamanantena zanaka lahimatoa an-dRado poeta ny “Soraty ihany” izay mbola tononkalo tena nankafiziny ihany koa. Nijoro vavolombelona farany tamin’ny fiarahana nanan-tantara tamin’i Tsilavina fony fahavelony, niaraka tamin’ny mpilalao horonantsary, Gégé Rasamoely sy mpanao gazety, Sylvain Rafiadanantsoa ity zanak’i Rado ity.

Ntsoavina Evariste