Actualités

Fanambaram-pananana Mbola tsy nahavita ny 26 % n’ireo olom-boafidy

Actualités
Alatsinainy 10 Jolay 2017

Hifarana ny 15 jolay ho avy izao ny hanaovan’ireo olom-boafidy sy tompon’andraiki-panjakana eto amin’ny tany sy ny firenena ny fanambaram-pananana eo anivon’ny fitsarana avo momba ny lalàmpanorenana.

Hatreto anefa dia vao ny 13.189 amin’izy ireo ihany no nahavita izay manome salan’isa 74 %. Mbola misy 26 %, araka izany, ireo tsy nahavita ahitana senatera roa, solombavambahoaka 16 ary ireo minisitra telo vao notendrena farany teo. Andrasana izay mety ho tohiny. Mety hisy ny sazy ho an’ireo izay minia mikipy. Isaky ny roa taona raha tsiahivina no tokony hanaovan’ireo olom-boafidy isan-tsokajiny eo anivon’ny fitsarana avo momba ny lalàmpanorenana ny fanambaram-pananana tahaka izao.

Pati