Actualités

Fanafihana mitam-piadiana teny Avaratr�Ankatso Mpitsabo iray namoy ny ainy

Actualités
Zoma 17 Aprily 2015

Mpitsabo iray antsoina hoe Radany no namoy ny ainy ary zanany iray hafa izay manan-kilema no mbola miady amin�ny fahafatesana noho ny ratra nahazo azy.

Izany dia vokatry ny fanafihan’ny andian-jiolahy nirongo basy mahery vaika « Kalachnikov » omaly alakamisy tamin’ny 2ora maraina teny avaratr’Ankatso , teny akaikin’ilay toerana nanapoahana vato. Very nandritra io fanafihana io ihany koa ny volam-piangonana rehetra izay tao an-tranon’ity mpitsabo ity. Mpitam-bola moa no andraikiny ao amin’ny fiangonana nisy azy ka mety olona nahalala ny fisian’izay vola izay no atidohan’ny fanafihana. Marihina fa niparitaka sy tavela teo amin’ny toerana nanaovana ny fanafihana ny ambin’ny bala avy nitifirana ny tompon-trano ka antenain’ny mponina eny an-toerana mba hahitana ny nahavanon-doza ny fahafantarana ireo laharana misoratra amin’ireo ambina bala ireo.