Actualités

Fanafihana mitam-basy tany Toliara � Tsy jiolahy i Lazasoa Martin �, hoy ireo fokonolona

Actualités
Alakamisy 28 Mey 2015

� Tsy jiolahy i Lazasoa Martin, fa komitim-pokontany mamy hoditra amin�ny mpiara-monina eto aminay. Fanosoram-potaka no nataon�ireo voromahery telolahy mpikarama an�ady avy ao Belemboka nilaza ho mpanara-dia. Rehefa nosavaina ny tranon�i Laza dia ny motony ihany no hita tao. Aminay, fanitsakitsahana olon-tsy manan-tsiny ny nataon�ireo voromahery, ka hanairanay ny sain�ny tompon�andraiki-panjakana isan-tsokajiny amin�ny fandotoana atao azy �

Hoy ny fanambarana nosoniavin’ny fokonolona an-jatony, novakian’ny solontenan’izy ireo, dia Atoa Merika Naonia, sefo fokontany ao Ampasinabo, nitafa tamin’ny mpanao gazety, omaly tany Toliara. Nomarihan’ireo fokonolona fa tsy nisy solontenan’izy ireo tamin’ny fanarahan-dia sy ny fisavana ny tranon’ity mpianatry ny oniversite ity nataon’ireo voromahery. Raha ny loharanom-baovao iray dia fantatra fa sahiran-tsaina ny ao amin’ny fitsarana amin’ny tena marina amin’ity raharaha mamofona politika avolenta sy fanamparam-pahefana ity.

Eric R.