Actualités

Fanafihana 1 miliara Efa-dahy naiditra am-ponja vonjimaika

Actualités
Alatsinainy 12 Jolay 2010

Niakatra tetsy amin’ny Fampanoavana ny sabotsy lasa teo ilay raharaha fanafihana vola mitentina 200 tapitrisa ariary tetsy Ankadifotsy tao amin’ny orinasa sinoa iray sady mpividy no mpivarotra vato. Raha araka ny vaovao azonay dia efa-dahy no naiditra am-ponja vonjimaika taorian’izany. I Rija izay fantatra amin’ny anarana hoe : «Ramiaramila» no tena voarohirohy ho atidoha nikotrika ny fanafihana. Raha tsiahivina dia herinandro lasa izay no niditra mora foana tao amin’ilay toerana, toy ireny olon-tsotra hivarotra vato ireny ireo efa-dahy. Vao tafiditra tao anefa ry zalahy dia nototany ny vato nentiny ilay sinoa. Norahonana ho faty avy eo ary namoaka ny volabe ihany. Roa andro taorian’izay dia saron’ny BC teo Ankadifotsy ihany Ramiaramila. Io avy eo no nahafahana nisambotra ireo namany telo hafa. Ny tsy fantatra dia ny hoe mbola sarona niaraka tamin’izy ireo ve ny volabe nandritra ny fisamborana ?

r.d