Actualités

Fanafihan-dahalo tao Morafeno-Mandoto Lehilahy iray maty voatifitra

Actualités
Alatsinainy 29 Desambra 2014

Tsy misy fitsaharany tanteraka ny asan-dahalo any amin�iny faritra andrefan�i Vakinankaratra iny.Raha ny herinandro lasa teo dia ny tan�nan�ireo mpifindra monina tao Betamotamo,fokontany Morafeno

kaominina Anjoma Ramartina indray no notafihan’ny dahalo ny alatsinainy 22 Desambra.Nahagaga ny mponina ity fanafihana ity satria vao maraina tokony ho tamin’ny 5 ora tany ho any.Mbola lavitra ireo dahalo dia efa nikotaba sy nitsioka kiririoka ka mailo ny mponina ka navoaka ny vala ny omby.Raikitra ny fanafihana ka tsy nisy omby azon’ireo dahalo intsony ka ireo mponina no nanamparany ny hatezerany.Nifanjevo ny ady sy ny tifitra ka lehilahy iray no notifirin’ireo dahalo teo amin’ny vavany ka maty tsy tra-drano izany.Olona hafa kosa voatrobaky ny lefona saingy tsy maty rehefa nahazo fitsaboana taty amin’ny hopitalin’Andranomadio ny herinandro lasa teo.Raha ny fandinihan’ny maro dia karazana valifaty ity nataon’ny dahalo ity ka ity lehilahy ity mihitsy no nokendrena satria ao aminy no mivantana ireo zandary miasa amin’ny “Poste Fixe”, izay nangatahan’ireo mpifindra monina ao Betamotamo.Tamin’io fotoana io nefa dia tsy tany an-toerana ireo zandary ka nararaotin’ireo dahalo izany nanaovany ny asa ratsiny sy nikendreny ity ranamana ity.