Actualités

Fampirantiana Madajeune : Tratra ny tanjona

Actualités
Alakamisy 12 Martsa 2015

Tratra ny tanjon�ny fikambanana Mada- Jeune. Trano heva miisa 17 no miranty namomboka omaly etsy amin�ny hotely Carlton Anosy manome toro-l�lana ireo mpianatra te hanohy fianarana any am-pitan-dranomasina. Oniversite maro avy amin�ny firenena samihafa no azo isafidianana ao amin�ity

fampiratiana ity ka anisan’izany Frantsa, Etazonia, Torkia, Indonesia,India, Maroka, Morisy Afrika Atsimo sy ny maro hafa ihany koa. Ankoatri’ireo trano fampiratiana dia misy famelabelarana ataon’ireo oniversité samihafa ihany koa ao amin’ny hotely Carlton ka hoan’ny androany dia ny oniversité avy any Afrika Atsimo, sy ny avy any Frantsa no anisan’ny hanao famelabelarana ao.

Mahaliana ireo tanora Malagasy ilay fampiratiana fa ny tena nahasarika tanora maro dia ny trano hevan’ny fikambanan’ireo mpianatra nandranto fianarana tany Etazonia na Usga. Misokatra amin’ny sokajim-pianarana rehetra ny any Etazonia ary miara-miasa amin’ny masoivoho Amerikanina rahateo ireto mpikambana ao amin’ny Usga ireto. Marihina fa mari-pahaizana Bakalorea ka hatrany amin’ny bakalorea miampy efa –taona no afaka mandray toro-làlana ao amin’izy ireo. “Betsaka ihany ireo sekoly ambony any an-dafy no azo andratoana fahalalana fa maro no tsy fantatry ny tanora Malagasy. Izay no nanosika anay nanao ity hetsika ity” hoy Lahatra Andriamahatsangy, filohan’ny fikambanana Madajeune.

Andry Ratovo