Actualités

Partagé sur :
• facebook

Mitohy hatrany ny fitetezam-paritra ataon�ny SEFAFI na �Sehatra Fanaraha-maso ny Fiainam-pirenena�, nandinihana mikasika �ny famotsoran-keloka, ny fisian� ny tsy maty manota ary ny fampihavanam-pirenena�

 Taorian’i Toamasina, Toliara, Fianarantsoa ary i Antananarivo dia anjaran’Antsirabe indray ny nampiantrano ny atrikasa nokarakarain’izy ireo ny zoma 26 oktobra 2012 lasa teo. Mpanao politika, mpitondra fivavahana, mpampianatra, mpikatroka avy amin’ny fiarahamonim-pirenena, mpanao gazety ary mpandraharaha ara-toekarena no nandray anjara tamin’izany, izay navitrika tokoa tamin’ny fandraisan’anjara tamin’ireo adihevitra samihafa.

Nafàna tokoa, araka izany, ny adihevitra satria tena raharaha atrehina sy mavaivay amin’izao fikarohan-dalana hivoahan’ny firenena amin’ny kirizy izao ireo nodinihana tao. Anisan’ny nisongadina ihany koa fa tsy nankasitrahan’ny maro ny fomba nisafidianana ireo olona roa hisolotena an’i Vakinankaratra ao anatin’ny FFM na «Filankevitry ny Fampihavanam-pirenena» izay nitarika resabe nanerana ny Nosy mihitsy. Tsy maintsy hatao anefa aloha ny hisian’ny fitoniana, amin’alalan’ny marimaritra iraisana, hahazoa-miroso amin’ny fifidianana heken’ny rehetra. Fa misy kosa ny tsy tokony hekena mihitsy toy ny kiantranoantrano mbamin’ny fanaovana ny rafitra na ny didy aman-dalàna ho fitaovan’ny antoko na ny olom-bitsy. Manodidina an’ireo ny ankabeazan’ny hevitra nivohitra avy tamin’ity atrikasa ity izay tohanan’ny masoivohon’i Alemaina ity.

Tia Tanindrazana

Samia mijoro ho an'i Gasikara.