Actualités

Fampiasana kara-pokontany : Nitombo 8.000 tampoka ny mpifidy tao Toamasina

Actualités
Alatsinainy 22 Novambra 2010

Nitombo 8 000 ny isanny mpifidy tao Toamasina. Ankoatra izay, dia notsipahan’i Toamasina tampon-tanàna ny lalàmpanorenan’ny repoblika faha-4. Tsy nisy afa tsy ny 41,20%-n’ny mpifidy voasoratra anarana ihany no tonga nanefa ny adidiny, na lany tamin’ny 72,96% aza ny Eny ary 27,04% ny Tsia. Ny zava-misy koa, dia nahitana fitomboana mpifidy «7.983» ny tao Toamasina tampon-tanàna tamin’ny fandraisana ilay didy hitsivolana tampoka ny androm-pifidianana iny. Raha «109.353» ny voasoratra anarana teo anivon’ny CIR Atsinanana tamin’ny fanisana farany natao, dia lasa «117.336» ireo tonga nifidy. Midika izany ho an’i Toamasina tampon-tanàna, fa olona «7.983» izay nitondra kara-pokontany sy naka ny fanamarinam-ponenana nozaraim-potsiny sy ny tompony no mameno ny ao anatiny.

Rakoutou