Actualités

Fampanjakana ny demokrasia Nizara traikefa ny Amerikanina

Actualités
Alakamisy 09 Septambra 2010

Tanora Malagasy miisa 30 eo ho eo no nandray anjara tamin’ny atrikasa nokarakarain’ny Masoivoho amerikanina nandritra ny telo andro, ny 1 ka hatramin’ny 3 Septambra lasa teo. Atrikasa niompana tamin’ny teknika samihafa hanentanana ny tanora Malagasy handray anjara eo amin’ny ezaka ho fampanjakana ny demokrasia izy io.

Ramatoakely Adrienne Lever, teratany Amerikanina izay anisan’ny nanomana ny fampielezan-kevitry ny Filoha Amerikanina ankehitriny, Barack Obama, no nizara ny traikefany tamin’ny ireto tanora Malagasy. Izao atrikasa izao dia tohin’ny ezaka fanohanana ny tanora handray an-tanana ny hoavin’ny fireneny, dinika nokarakarain’ny Filoham-pirenena Barack Obama tany Washington ny volana Aogositra lasa teo ka nandraisan’ny tanora Malagasy telo anjara.

Jean D.