Actualités

Fampandrian-tany Mpiasan�ny �Justice et paix� efatra any am-ponja

Actualités
Zoma 10 Septambra 2010

Nahitam-pahombiazana ny fampandrian-tany natao tany amin�ny faritra atsimo nanomboka ny 20 aogositra 2010 ka hatramin�ny 08 septambra 2010 teo amin�ny faritra ifanilan�ny kaompanian�ny zandarimariam-pirenena Betroka, Ampanihy andrefana, Toliary, Ankazoabo sud, Sakaraha ary Ihosy izay notarihin�ny Lietn� kolonely Reribaky Jeannot, komandin�ny vondron-tobim-pileovana Ihorombe sy ny kaomand� Ranaivoarison Th�odule, Komandin�ny vondron-tobim-paritry (Kaompania) ny zandarimariam-pirenena Ihosy.

Vokany, dahalo 11 no voasambotra ka ny 04 izay mpiasan’ny «Justice et paix» miasa ao Maliarivo Ambatolahy dia efa naiditra am-ponja vonjimaika. Telo hafa kosa no maty, taorian’ny fifandonana tamin'ny zandary dia i Naivo, izay efa nokarohina fatratra tamin’ny taona 2007 raha nangalatra omby miisa 170 tao amin’ny distrikan’i Beroroha. Nisy mpanara-dia sivy maty tamin’izany. Lavon’ny zandary koa i Victor, dahalo raindahiny efa nitsoaka rehefa avy nangalatra omby 23 tao amin’ny Kaominina Mahasoa Distrikan’i Ihosy. Toraka izany koa i Maitso Bagna, tratra teo am-pangalarana omby telo izay an’olona mipetraka eo Mahasolo.

Miisa 500 ny omby nohamarinina ka ny 80 tamin’ireo tsy ara-dalàna ka notazomina eny amin’ny Kaominina. Ny tompon’ireo omby ireo moa dia efa nalefa eny amin’ny Fampanoavana. Basim-borona miisa 73 no nanaovana famotorana ka ny roa tamin’izany no notazonina, ny iray very avy any Bekily ka tratra tany Ihosy. Marihina fa 55 ireo zandary nandray anjara tamin’ny ity fampandrian-tany ity ka efatra ny manamboninahitra. Tafiditra indrindra amin’ny lamin’asan’ny Zandarimariam-pirenena amin’ny ity taona 2010 ity moa izao fampandrian-tany izao ary mbola maro ny hotanterahina manaraka mba hiarovana ny ain’olona sy ny fananany.