Actualités

Fahalalahan’ny asa fanaovan-gazety Tokony hijerena lalàna iraisam-pirenena, hoy Rabelaolao

Actualités
Alakamisy 20 Jolay 2017

Anisan’ireo zokibe nametraka ny dian-drantsany efa ho 30 taona izao tao anatin’ny tontolon’ny asa fanaovan-gazety i Jessy Rabelaolao ary efa nisedra antsojay maro, raha ny fitantarany.

Manahirana ny « fahalalahana » apetraky ny fanjakana. Herinandro, tamin’ny fotoan’androny, no sempotra vokatry ny fanafihana tamin’ny etona mandatsa-dranomaso ny vady aman-janako teny an-tranoko teny Ambohipo ary mbola mitovitovy amin’izay no mitady hahazo an’i Fetra Rakotondrasoa Ankehitriny, hoy izy. Raha nisy lahantsoratra mikasika olona iray tao anaty gazety frantsay Canard enchainé dia ilay olona nosoratana no voaantso teny amin’ny tribonaly fa tsy ilay nanoratra. Na tsaho aza dia azo lazaina ho vaovao fa anjaran’ny fitondrana no mandiso na manamarina azy. Tokony hojerena koa ny lalàna iraisam-pirenena rehefa misy toy izao ary ny lalàna mipetraka ihany koa tsy tokony hanakana ny zo fototra, hoy izy.

J. Mirija