Actualités

Faha 5 taonan’ny Trass Hampiara-peo i Fanja Andriamanantena sy Rija Ramanantoanina

Actualités
Zoma 12 Janoary 2018

Ao anatin’ny fankalazana ny faha 5 taonan’ny toeram-pisakafoana sy filanonana Trass etsy Tsiadana dia seho miavaka iarahana amin’i Fanja Andriamanantena sy Rija Ramanantoanina no hanombohana izany anio manomboka amin’ny 9 ora alina.

Hatomboka am-pamendrehana, hoy ny mpikarakara ny fankalazana ary aleo ireo efa andrarezina toy ireto mpanatalenta 2 ireto no hanao vakilay amin’izany. Hanotrona azy ireo moa ireo andrarezina amin’ny fitendrena toa an-dry Sammy Andriamanoro, Roger Zafera ary Nali Rabarison. Toerana iray izay azo lazaina ho efa lasa zary ambohipihaonan’ny mpanao gazety isaky ny misy hetsika sy fankalazana ity asa masina ity tato ho ato ny eny Tsiadana.

J. Mirija