Actualités

Exode Urbain eny Soaniedanana RN 4 Vonoina fa tsy maty intsony hoy ny Hafari Malagasy

Actualités
Sabotsy 14 Aprily 2018

Mitohy hatrany f atsy mihemotra ilay tetikasa “Exode Urbain” tanterahin’ny Hafari Malagasy eny Soaniedanana-Bevomanga Pk 67 RN 4, hoy ny filohan’ity fikambanana ity, Rafanomezantsoa Jean Nirina, na dia tsy teo nandritra ny 1 taona sy tapany aza aho noho ny antony efa fantatra.

Mitohy ny fikarakarana kara-tany sy “titre” eny an-toerana, hoy izy, ka efa miitatra be ny tanàna. Mitohy ny tsena isaky ny andro zoma eny an-toerana ary mitohy ihany koa ny fananganana ny fiangonana. Ambohi-pihaonan’ny mpitsangatsangana sy ireo tompon-tany teny amin’ity tanàna vaovao ity tamin’ny alatsinain’ny Paka farany teo. Mbola misy ihany anefa ny olana vitsivitsy mianjady eny an-toerana izay ilana fiaraha-miasa amin’ny fanjakana dia ny fanaganana fotodrafitrasa toy ny sekoly sy toby fiterahan’ny vehivavy sy “poste avancée-n’ny zandary”. Be ny mponina te hanana tany eto Madagasikara, hoy Atoa Jean Nirina, ary mafy ny zava-nosedrain’ny Hafari tamin’izany nefa tanteraka izany rehefa misy ny firaisankinan’ny rehetra. Vonoina fa tsy maty intsony ity tetikasa Exode Urbaina Hafari ity, ho izy

Ntsoavina Evariste