Actualités

Ets Gallois Maty voatifitra ireo nandroba ny 100 tapitrisa ariary

Actualités
Zoma 24 Septambra 2010

Raikitra ny fifanenjehana izay niafara tamin’ny fahafatesan’ireo roalahy izay tompon’andraikitra tamin’ny fanafihana ny Ets Gallois ao Toamasina. Afak’omaly alina no nitrangan’izany tao an-drenivohitr’i Betsimisaraka. Mbola niaraka tamin’ny basy ny iray tamin’ireo jiolahy, raha araka ny fanazavan’ny mpitandro ny filaminana. Raha tsiahivina dia vola mitentina 100 tapitrisa ariary no azon’ireo jiolahy izay nandeha scooter tamin’ity fanafihana ity ary tsy nisalasala ny nitifitra.

Nihazo ny elakelan-trano izay misy lalam-pasika izy ireo nony avy eo dia tsy hita intsony. Nitohy hatramin’ny farany anefa ny fanadihadian’ny mpitandro ny filaminana «Saka Mainty» izay manao ny hetsika fampandrian-tany rahateo amin’izao fotoana izao. Hita ihany ny fieren’ireo jiolahy. Raikitra ny fifampitifirana izay niafara tamin’ny fahafatesan’ireo roa lahy. Raha tsiahivina dia efa nidina tany an-toerana ny polisin’ny FIP avy eto an-drenivohitra, iray volana lasa izay, mba hampandry ny tanàna. Nisy tokoa ny vokatra tamin’io saingy nisy koa ny polisy voatifitra...

r.d