Actualités

EPP Antandrokomby Anosizato andrefana Saika tsy nety niala ireo traboina sasany

Actualités
Alakamisy 18 Janoary 2018

Saika tsy nety niala ireo traboina sasany natoby tetsy amin’ny EPP Antandrokomby Anosizato Andrefana, indrindra fa ireo nipetraka tao amin’ny trano natokana hianaran’ny préscolaire.

Omaly maraina vao tazana nangoron’entana niala tao izy ireo, traboina vokatry ny firodanan’ny trano nipetrahany tao amin’ny fokontany Antandrokomby. Ny sefom-pokontany ao an-toerana mihitsy, raha araka ny fantatra no nanentana azy ireo tsy nitsahatra ny amin’ny tokony hitadiavany trano hahafahan’ny mpianatra miverina mianatra. Omaly vao niroso tamin’ny asa fanadiovana ny tranon-tsekoly ny tompon’andraikitra ho fitandroana ny fahasalaman’ny mpianatra. Raha tsiahivina, nahatratra dimy ireo trano nianjera tao Antandrokomby nandritra ny fandalovan’ny rivodoza AVA. An-jatony kosa ireo tratran’ny rano, antony nahafeno traboina ny EPP Anosizato Andrefana. Na izany aza anefa dia efa afaka namonjy ny toeram-ponenany tamin’ny herinandro avokoa ny ankamaroan’izy ireo.

Pati