Actualités

Emmo-Reg Toamasina Aza ampidirina amin�ny resaka politika ny asanay !

Actualités
Alakamisy 07 Oktobra 2010

Ho fiarovana ny orinasam-panjakana SPAT sy ny fananam-panjakana eo anivon’ny seranan-tsambo ary ireo mpiasan’ny MICTSL nanolo-tena ny hiverina hiasa, dia niditra an-tsehatra ny Emmo-Reg araka ny fandaminan’ny OMC Toamasina, baikom-panjakana rahateo ny famerenana ny fanokafana ny seranan-tsambo mba tsy ho kenda roroka ny toekarena malagasy sy ny mpandraharaha. “Natao hiaro ny vahoaka sy ny fananany, indrindra ny fananam-panjakana ny Emmo amin’izao andraikitra raisiny izao”, hoy ny mpitandro ny filaminana. Nohamafisin’izy ireo hatrany fa “resaho izay politika tian’ny mpahay izany atao, fa aza ampidirina amin’izany izahay mpitandro ny filaminana, fa izay ihany no manimba zavatra eto amin’ny firenena. Tsy mahay mipetraka sy mametraka ny toerana misy azy ny mpanao kobaka am-bava”. Nahitana ireto mpitandro ny filaminana ireto noho izany ny ivelan’ny seranan-tsambo sy ny teny anatiny, omaly, handaminana ny mety hisian’ny fikorontanana ataon’ireo mpiasa mbola mitokona amin’ireo mpiasa manomboka miasa.

Rakoutou