Actualités

Education civique Havadika ho taranja iray mihitsy amin’ny 2020

Actualités
Zoma 02 Martsa 2018

Betsaka ny mpianatra Malagasy ankehitriny no tsy mahalala fomba intsony.

Tsy manao mbay lalana rehefa mandalo olona, tsy manome toerana ireo olon-dehibe rehefa mahazo seza, tsy mahay manaja ny hafa. Miha ratsy fitondran-tena rehefa miha lehibe, maro ny tranga fahita isan’andro eny anivon’ny fiaraha-monina manaporofo fa efa tena very mihitsy ny maha olom-pirenena vanona sy tompon’andraikitra. Raha araka ny nambaran’Atoa Tsitoara Serge Thierry, talen’ny teknolojia sy ny fampitam-baovao eo anivon’ny minisiteran’ny fanabeazam-pirenena anefa dia tsy foana akory sanatria ny fanabeazana maha olona hatao any an-tsekoly fa mbola tena misy. Tsy taranja iray manokana izy io fa hampidirina anatina taranja toy ny tantara sy ny jeografia ka any no hamoaboasana azy amin’ny mpianatra. Efa eo an-dalam-panavaozana izany ny minisiteran’ny fanabeazam-pirenena, hoy hatrany ity tompon’andraikitra ity ka amin’ny fivoahan’ny fandaharam-pianarana vaovao amin’ny taona 2020 dia havadika ho taranja iray mihitsy ny fanabeazana maha olom-pirenena (Education civique). Ho ana sekoly maromaro nanaovanay fanadihadiana teto an-drenivohitra moa dia nanambara izy ireo fa efa ezahina hampidirina anaty taranja rehetra mihitsy ny fanabeazana maha olom-pirenena ankehitriny, hisorohana ireny karazana tranga mampalahelo miseho eny anivon’ny fiarahamonina ireny.

Pati