Actualités

Partagé sur :
• facebook

Maro ireo tompon’andraikitra ara-pampianarana eny anivon’ny Faritra no nisolo. Anisan’ireny ny DREN Amoron’i Mania sy Ihorombe.

 Vao omaly rahateo no nametraka tamin’ny fomba ofisialy ilay DREN vaovao ao Amoron’i Mania ny minisitry ny fanabeazam-pirenena, Manoro Régis. “Olona voavidy vola sy mpamadika ireo”, hoy Raharovoatra Claude izay nilaza ihany koa fa mpitarika Sempama mafana fo taloha ireo ka izao namadika palitao izao. Momba ny DREN Amoron’i Mania dia izany “Rabôsisy” izany no anarana fiantso azy, hoy Raharovoatra Claude. Anisan’ny tapaka karama tamin’ireo mpitokona tao Fandriana ny tenany noho ny hafanam-po tamin’ny tolona kanefa izao lasa DREN izao raha ny fanazavana ihany. “Rabôsisy mihitsy no niantso ahy fa notambazana vola 70.000 Ariary sy nomena kiraro iray izy sy ny namany iray mialoha ny fanendrena azy”, hoy Raharovoatra Claude.

Anisan’ny mpitarika ny tolona nataon’ny Sempama tao Fianarantsoa koa ilay ramatoa lasa DREN ao Ihorombe amin’izao. Na eo aza anefa ny fisian’ireo namana nivadika rehefa voavidy vola dia tsy hampitsahatra ny fitokonana izay natombony omaly ny mpampianatra mpikambana ao amin’ny Sempama. Ny fiverenan’ny karama tapaka sy ny fahazoana ny marikarama notakiana miampy ny fahitana ny mangarahara tanteraka momba ny fandraisana mpampianatra no fepetra hizingizinin’ny Sempama. Tafiditra tao anivon’ny tokotanin’ny Ministera moa izy ireo omaly ary afaka naneho hevitra malalaka.

Yves

Tia Tanindrazana

Samia mijoro ho an'i Gasikara.