Actualités

Doro tanety Mampihemotra ny orana manasara-taona

Actualités
Alatsinainy 31 Aogositra 2015

Hanomboka rahampitso talata voalohan�ny volana septambra ny lohataona. Mifarana miaraka amin�ny faran�ny volana aogositra anio kosa ny toetr�andro mangatsiaka.

Tranga iray manamarika ny fisarahan’ireo vanim-potoana roa ireo moa ny firotsahan’ny orana. Tsy voahaja anefa izany noho ny fihanaky ny doro tanety izay miteraka setroka matevina miaraka amin’ny fofona manerana ny habakabaka eto Madagasikara, araka ny fanamarihan’ny avy eny anivon’ny famantarana ny toetr’andro Ampandrianomby. Ahiana rahateo ny tsy maintsy hisian’ny kotro-baratra mahery vaika miaraka amin’io fihemoran’ny orana mampisara-taona io amin’ity volana septambra hitsidika ity. Nahatratra hatrany amin’ny 1 hetsy hektara ireo velaran-tany nahitana doro tanety tamin’iny taona 2014 iny manerana ny nosy. Fomba fisehony amin’ny ankapobeny ny fampiasana tavy, ny doro ahitra natao sakafom-biby na koa ny doro tanety fanahy iniana tsotra izao.