Actualités

Daty �12 aogositra� naroson�ny CENI Hifanontona ny referandaoma sy ny fanadinana bakal�rea

Actualités
Zoma 07 Mey 2010

Nandefa taratasy tany amin’ny Vaomieram-pirenena mahaleotena misahana ny fifidianana na CENI ny governemanta mangataka ny daty hanaovana ny fitsapan-kevi-bahoaka momba ny lalàmpanorenana, dia nivory avy hatrany omaly ny mpikambana ao amin’ny CENI ary nanapaka fa ny daty mety indrindra ho amin’izany dia ny 12 aogositra 2010, araka ny fanazavan-dRakotomanana Heriniaina Yves, filohan’ny CENI. Fototra roa no nambaran’ity farany fa nitondra ny adihevitra ka namaritana io daty io. Voalohany : fanajana ny fehezan-dalàna mifehy ny fifidianana araka ny voalazan’ny andininy faha-35, izay milaza fa tsy maintsy misy fe-potoana 90 andro aorian’ny fiantsoan’ny governemanta ny mpifidy izay vao azo atao ny fifidianana. Voahaja ihany koa ny voalazan’ny andininy faha-36, izay milaza fa tsy maintsy atao amin’ny main-tany ny fifidianana. Ary ny farany, araka ny fanazavan’ny filohan’ny CENI ihany dia voahaja ny voalazan’ny andininy faha-37, izay milaza fa tsy maintsy amin’ny andro fiasana ny androm-pifidianana. Tetsy an-daniny dia nilaza koa Rakotomanana Heriniaina Yves fa anisan’ny antony namoahan’ny CENI io datin’ny 12 aogositra io ny fanirian’ny fitondrana amin’izao fotoana izao mba hamaranana ny tetezamita amin’ity taona ity.

Noraisin’ny CENI ny hetahetan’ny FAT, fa ny zava-misy iainan’ny mponina hadinony na nodiany tsy fantatra. Raha raiketin’ny governemanta tokoa io datin’ny 12 aogositra, dia mbola anatin’ny fanatanterahana ny bakalôrea ny tanora amin’ny sampana teknika, izay tanora tonga taona ny ankamaroany. Famerezan-jo ankolaka azy ireo ny fanatanterahana fitsapan-kevi-bahoaka momba ny lalàmpanorenana amin’io andro io.

Jean D.