Actualités

CENI Niaiky fa betsaka ny lesoka

Actualités
Alakamisy 18 Novambra 2010

Rarakompana ny fitarainana voarain’ny Vaomieram-pirenena mahaleotena misahana ny fifidianana (CENI) mikasika ireo lesoka tamin’iny fitsapan-kevi-bahoaka, izay fifidianana voalohany nokarakarainy rahateo. Voaresaka matetika tamin’izany ny tsy fahatomombanana teo amin’ny lisi-pifidianana toy ny fiverimberenan’ny anaran’olona iray sy ny fahadisoan’ny datin’andro nahaterahana, teo koa ny fahadisoana tamin’ny kara-pifidianana. Antony telo na efatra araka ny fanazavana netin-dRalevason Haritiana, mpikambana ao amin’ny CENI, no nampisy ny lesoka. Betsaka ny olona tsy namerina ny fisy fanisam-bato ka hadino. Ny hafa indray latsaka teo amin’ny fandravonana ny fanisana ny mpifidy ary ny hafa nandritra ny fandraketana tamin’ny solosaina ny anaran’ny mpifidy teny amin’ny Centre Informatique Régional tsirairay, ka betsaka no very zo tsy fidiny. Ny fahadiovan’iny fifidianana iny, sy ny mangarahara ary ny tsy mampitanila azy mihitsy no ipetrahan’ny fanontaniana manoloana izany.

Nangonin’i Jean D.