Actualités

Carrefour de la formation des metiers et de l’emploi Hetsika hanampiana ireo mpianatra sy mpitady asa

Actualités
Alatsinainy 10 Jolay 2017

Raikitra ny « Carrefour de la formation des métiers et de l’emploi » karakarain’ny Alliance Française eto Antananarivo.

Ny 28 sy ny 29 jolay ho avy izao no hanatanterahana izany etsy Andavamamba, ahitana mpandray anjara hatrany amin’ny 30 isa. Natao indrindra hanampiana ireo tanora avy niatrika ny fanadinana Bakalôrea mitady tari-dalana entina hanampiana azy ireo ity hetsika ity, izay marihina fa tsy handoavam-bola. Toraka izany koa ireo mitady sekoly ambony azo antoka mba hanohizany ny fianarany arahin’ny tolo-tanana ho an’ireo tanora efa manana diplaoma mitady asa. Orinasa maro ihany koa mantsy no ho avy handray anjara amin’ity hetsika ity izay marihina fa manam-pahatokisana ny Alliance Française noho ny traikefa hananan’izy ireo amin’ny fanofanana ny olom-pirenena mba hahafehy ny teny Frantsay. Hisy moa ny fitsapam-pahaizana miteny Frantsay ho an’ireo izay liana te-hahalala izany mandritra ireo roa andro ireo raha hahazo tombony kosa ireo efa mahafehy ny tenim-pirenena hafa toy ny anglais, espagnol, Allemand…

Pati