Actualités

Boriborintany Faharoa Efa mivoatra

Actualités
Alarobia 22 Febroary 2017

Miha mivoatra ny Boriborintany faharoa � Antananarivo Renivohitra ankehitriny. Efa mihatony ny fandriampahalemana, manomboka tsy hita ny mpivarotra amoron-dalana, madio sy milamina ny tan�na.

Nivoitra io nandritra ny fihaonan’ny mpanao gazety sy ny delegen’ny Boriborintany faharoa, Razafindrabe Jacques ny alatsinainy 20 febroary 2017 teo. Nohamafisiny fa ezaka amin’ny fanatsarana hatrany ny Boriborintany iandraiketany no tena imasoany. Eo ny fanafoanana ny fananganana trano tsy ara-dalàna, ny fanavaozana ny sisin-dalana natokana ho an’ny mpandeha an-tongotra, fanamboarana fotodrafitrasa fametahana afisy. Mitohy ihany koa ny ezaka amin’ny fampidirana ny mpivarotra amoron-dalana any anaty tsena. Nomarihiny fa mifandraika amin’ny oniveristen’Antananarivo ny ankabeazan’ny fotodrafitrasa eny amin’ny boriborintany faharoa. Efa miatomboka ny fanavaozana ny tsena eny Ankatso raha ny voalazan’ny delege. Tsy hofoanana akory io tsena io fa ezahina mba tsy hanelingelina ny fifamoivoizana sy ny mpandeha an-tongotra.

Nangonin’i Jean D.