Actualités

Bois de rose Tiko Sambaina

Actualités
Alarobia 14 Jolay 2010

May Ambondrona, hoy ny fitenenana. Nihazakazaka nitady izay fomba rehetra hanodinana ny saim-bahoaka mba tsy hifantoka amin’ity “vaky balle” amin’ity resaka “bois de rose” ity ny fitondrana FAT. Nanaovana fandaharana manokana tamin’ny soratra miloko vonimboasary tao amin’ny fahitalavi-panjakana TVM mihitsy ary ny alin’ny talata 13 jolay tokony ho tamin’ny folo ora sy fahatelony fa nahitana “bois de rose” tao amin’ny Tiko Sambaina Manjakandriana, orinasan’ny filoha Marc Ravalomanana, nandritra ny fisavana natao omaly ary hitohy anio. Tsy natrehin’ny mpanao gazety izay nitranga tany omaly. Na ny mpanao gazetin’ny TVM aza nanao fanamarihana fa sarin’ny Fiadidiana ny FAT no nasaina nalefan’izy ireo. Hatramin’ny sarivongan’ny Amperora Japoney taloha efa vita sokitra aza natsikafona. Ny nahagaga fotsiny dia tao no nisavana ka nakana ireo fiara tsy laitram-bala miisa telo fampiasan’ny filoha Ravalomanana tamin’ny taon-dasa, fa tsy nisy resaka “bois de rose” hoe mampiahiahy, fa tampotampoka teo, dia natao laza masaka. Raha izao izany no fandehany dia tsy ho afa-maina hatramin’ireo mpanao sary sokitra any Ambositra sy izay rehetra manana fanaka vita amin’ny andramena eto. Mbola hitohy !