Actualités

�Bois de rose� tany Kaomor� Nomena ny miaramila

Actualités
Talata 13 Jolay 2010

Na dia tsy notononina mivantana aza omaly dia fantatra fa nomena ny miaramila ireo “bois de rose” tratra tany Kaomôro andro vitsy lasa izay. Rehefa tonga teto an-tanindrazana ireto hazo sarobidy ireto dia notanana vonjimaika ireo tantsambo nitondra azy. Olona manana andraikitra amin’izao fitondrana izao no voatonontonona amin’ity raharaha ity. Misy mihitsy moa ny tsy fitovian-kevitra teo amin’ireo samy FAT momba ity hazo tonga ity. Noho izay antony izay dia nisy ireo nidrinkina ary nilaza ny tokony hametrahana ireto harena ireto eny amin’ny tobin’ny miaramila. Ny nahagaga dia ny miaramila tsy miandraikitra ny lafiny famotorana mikasika ny ady heloka mihitsy no nisahana ny asa. Hatramin’izay rehefa misy tranga tahaka izao dia ny “brigade spéciale” na ny “brigade de recherché” an’ny zandarimariam-pirenena no manao ny famotorana ka eny amin’ny toby misy azy ireo no asiana izay zavatra tratra rehetra.

Tamin’ity raharaha “bois de rose” tany Kômorô ity dia fiaran’ny miaramila no nitondrana azy. Na ireo nibata azy ireo tsirairay aza dia ny vata miaramila tao amin’ny toby R3A no nanao izany. “Atao inona ao ireto hazo sarobidy ireto ?”, hoy ny maro. Mino kosa anefa ireo miaramila manam-panahy fa tsy ho mora ho an’izay jiolahin-kazo sarobidy ny hamoaka ireto hazo ireto ao. Rehefa midina anefa ny baiko, iza no sahy hanohitra ?