Actualités

Bemasoandro Itaosy Mifanolana ny samy tompon-tany

Actualités
Alatsinainy 31 Jolay 2017

Misy karazana ady tany mitranga ao amin’ny kaominina Bemasoandro Itaosy amin’izao fotoana izao. Efa ho herinandro mahery no nitrangan’izany.

Tompon-tany roa izay fantatra fa nanome ny taniny mba hanaovana lalana ho an’ny daholobe no misy olana kely. Raha araka ny fanazavan’ny Ben’ny tanànan’ny kaominina Bemasoandro Itaosy Rakotomandimby Jean Martial dia efa eo am-pandaminana ny raharaha izy ireo amin’izao fotoana izao. Samy manana ny marina ireo tompon-tany ireo saingy ny sarin-taniny no misy kely tsy mitovy. Nomarihiny fa tsy fantatra ihany koa na an’ny kaominina Bemasoandro ity tany misy olana ity na an’ny kaominina Andranonahoatra satria eo anelanelan’ny fizaran-tanin’ny roa tonta. Raha araka ny feo mandeha moa dia efa saika nisy mihitsy ny fanidiana ity lalana ao ambadiky ny tranombarotra Horizon ity teo aloha teo.

Pati