Actualités

Baskety �Tompondaka nasionaly U18 Mandrahona tsy handray anjara ireo klioba avy any atsimo

Actualités
Alakamisy 10 Septambra 2015

Miakatra ny feo any Toliara taorian�ny nanafoanan�ny Federasiona malagasy taranja baskety ny hampiantranoan�i Toliara ny fiadiana ny tompondakan�i Madagasikara taranja baskety lahy sy vavy sokajy latsaky ny 18 (U18), hanomboka ny sabotsy izao ka nafindra any Ambositra.

«Efa vonona tapa-bolana nialoha ny fikarakarana rehetra handraisana an’ity fifaninanam-pirenena ity, toy ny kianja telo, trano fandraisana, ary efa eto Toliara ny ireo ekipa avy lavitra», hoy i Tony Géorgial, filoha lefitry ny ligin’Atsimo Andrefana omaly. Hentitra i Sosoany Hermone, filohan’ny vondron’ny mpanazatra, fa «noho ny lonilonin-toerana tsy lany ho filohan’ny Komity Olympika Malagasy (KOM) dia potehin’ny filohan’ny federasiona, ny taranja baskety aty Atsimo, satria zanak’i Toliara i Andrianasoloniaiko Siteny, filohan’ny KOM nifanandrina taminy. Valifaty ve dia hanaovana sorona ny tanorantsika nanoman-tena iray taona ?»

Raha tsy hatao ao Toliara ny lalao dia tsy handray anjara amin’ny fifaninam-pirenena any Ambositra ireo ekipa avy any Atsimo. «Hitory ny filohan’ny federasiona sy ireo mpikambana ao, any amin’ny Fitsarana misahana ny ady amin’ny fanjakana izahay, satria mitafy henatra sy afa-baraka», hoy ireo filohan’ny ligy any Atsimo.

Eric R.