Actualités

Barack Obama �Vahaolana ifampierana sy iraisan�ny rehetra ihany�

Actualités
Alakamisy 24 Jona 2010

Nandefa hafatra manokana ho an’ny Vahoaka Malagasy ny filoha amerikanina Barack Obama amin’izao tsingerin-taona faha-50-n’ny fahaleovantenam-pirenena izao nanehoany ny faniriany sy ny hetahetany, araka ny taratasy nalefany ny alarobia 23 jona araka izao manaraka izao.

«Ho an’ny vahoaka Malagasy

Ny vahoaka amerikanina dia miara-miombona amiko amin’ny fiarahabana ny vahoaka Malagasy noho izao fankalazana amin’ny faha-26 jona ny faha-50 taona nahazoan’ny firenenareo ny fahaleovantena izao.

Manohana ny vahoaka Malagasy izahay, ary maneho hatrany ny fandraisanay andraikitra amin’ny fanohanana ny vahaolana ifampierana sy iraisan’ny rehetra mba ivoahana amin’ny fikatsoana ara-politika izay mitarika fatiantoka goavana mianjady amin’ny firenena.

Amin’izany fiombonanay amin’ny fankalazana ny fahaleovantenan’ny firenenareo izany, ny fanantenako dia mba hiverina hiaina amim-pifaliana indray ny vahoaka Malagasy ka hianoka ny tombontsoa entin’ny governemanta marin-toerana, voafidy ara-pomba demokratika amin’ny taona ho avy sy mifandimby.

Am-pirahalahiana

Barack OBAMA»

Nangonin’i Jean D.