Actualités

BANKY BNI Namoaka tolotra vaovao indray

Actualités
Alarobia 22 Febroary 2017

Namoaka tolotra vaovao indray ny banky BNI entina hanomezana fahafaham-po ny mpanjifa rehetra. Karazana �pack� miisa telo izy io, tolotra izay izy ireo no nisantatra izany voalohany teto amintsika no sady tsy mitsaha-mivoatra.

Samy manana ny filàny mantsy ny olona tsirairay avy amin’ny ankapobeny, raha araka ny fanazavan-dRandriantsimialona Lanja, tompon’andraikitry ny serasera eo anivon’ity banky iray ity. Misy ireo mila kaonty sy sms mampahafantatra ny kaontiny fotsiny dia vita raha misy koa ireo mila karazan-javatra maro samihafa. Tafiditra ao ny pack Vatosoa, ny pack Mahasoa ary ny pack Tongasoa. Misy ireo karazana tolotra rehetra ilaina ao anatin’ireo pack ireo raha araka ny fantatra saingy anisan’ny mampiavaka ny tolotra Vatosoa kosa ny fisiana taratasy fanamarinana miantoka ny fivoahan’ilay olona tompon’ny pack mandeha any ivelany raha mbola hiantohana ihany koa izy manoloana ireo karazana loza mety hitranga any am-pandehanana na koa sanatria misy fahafatesana. Sandaina 160.000 Ar anefa tany amin’ny folo taona lasa tany ny fahazoana ity taratasy fanamarinana io. Afaka mivadika mampiasa ireo karazana pack vaovao ireo araka izany ireo mpanjifan’ny BNI raha mbola manan-jo hitazona ny efa nananany teo aloha ireo tsy vonona.

Pati