Bakalorea Antsiranana Tsy mahazo manome naoty latsaky ny 8

20 ?

Actualités
Alarobia 12 Septambra 2012

Amin�ny sabotsy 15 septambra izao ny fivoriana voalohan�ireo mpampianatra nantsoina hitsara ny fanadinana bakalorea ho an�Antsiranana

Io ilay antsoina hoe “réunion d’entente”. Amin’ny alatsinainy 17 septambra kosa vao tena hanomboka ny fitsarana ireo taratasim-panadinana rehetra. Nisy fahatarana kely ny any an-toerana vokatry ny JMJ Mada andiany faha-7 natao tany Antsiranana ny herinandro lasa iny. Nampiasaina hampiatranoana ireo mpizaika JMJ mantsy ny ankamaroan’ireo sekoly tokony hanaovana ny fitsarana tao an-toerana, ka dia nandrasana ho vita tanteraka ny JMJ vao hiroso amin’ny fitsarana ny fanadinana bakalorea sampana ankapobeny sy teknika miaraka ny any an-toerana.

Ao anatin’izany anefa no re fa misy “proviseur” manery ny olony tsy hanome naoty ambanin’ny 08/20 rehefa mitsara kopiam-panadinana, ka ireo “vacataires” mbola ampiandrasana ny fandraisana azy ho mpampianatra mpiasam-panjakana raikitra no tena lasibatra amin’io. Ho an’ireto farany dia mamofompofona kolikoly ity resaka ity ankoatra ny tetika mba hahatsaratsara ny taham-pahafahana fanadinana. Araka ny fantatra dia efa mahalala ny fisian’io resaka io ny eo anivon’ny oniversiten’Antsiranana sy ry zareo ao amin’ny ministeran’ny fampianarana ambony sy ny fikarohana siantifika, ka dia ho hita eo ny tohiny.

Nangonin’i Jean D.