Actualités

Bagdad 67 Ha Mpivarotra 300 koa no hoesorina

Actualités
Zoma 14 Aogositra 2015

Taorian�ny nanalan�ny Kaominina Antananarivo Renivohitra ireo mpivarotra asa tanana miisa 350 tetsy amin�ny Coum 67 ha dia fantatra izao fa tsy maintsy esorina amin�ny toerany ihany koa ireo mpivarotra etsy amin�ny Bagdad 67 ha manoloana ny �arr�t� taksibe ato ho ato

. Orinasa mpaninjara solika iray lehibe iray no nahazo ny tany ka mpivarotra manodidina ny 300 isa no voakasik’izany. Mba tsy hisian’ny fanalana an-keriny sy ny korontana toy ny nitranga tetsy amin’ny Coum ny alatsinainy lasa teo ary dia nanelanelana ireo mpivarotra ireo sy ny tompon’ity tobim-pivarotan-tsolika nahazo ny tany ity avy hatrany ny fikambanana Hafari Malagasy. Nosantarina tamin’ny fampihaonana ny roa tonta teny Soavinimerina izany omaly ka fantatra fa afindra amina toerana iray eo amin’ny manodidina ihany ireo mpivarotra ireo no sady omena vola ihany koa hahafahany manatsara kokoa ny foto-pivelomany. Ny tsy hisian’ny fibodoana fananan’olona no tanjona, hoy ny fikambanana Hafari no sady tsy hamonoana ny madinika ihany koa, asa fivarotana mamelona ankohonana an-jatony isan’andro. Na izany aza anefa dia mizarazara ny hevitr’ireo mpivarotra ireo. Misy mantsy ireo nanaiky ny hiala avy hatrany raha misy koa ireo tsy manaiky ny hiala na dia omena toeran-kafa sy vola aza.

Pati