Actualités

Association-Ntsika Nanolotra fanampiana ho an’ireo mpianatry ny CEG ao Toamasina

Actualités
Alakamisy 08 Martsa 2018

Mpianatra miisa 483 mianadahy avy amin' ny CEG miisa fito ao Toamasina I no indray notoloran' ny Association-ntsika dictionnaire Larousse maimaim-poana iray avy omaly noho ny fahazoan' izy ireo naoty ambony indrindra tamin’ny taom-pianarana 2016- 2017 farany teo .

Tonga nanolotra izany tamin' ny fomba Rtoa Juliana Ratsiraka filohan' ny Association-ntsika notron' ireo solontenam-panjakana maro avy amin' ny minisiteran' ny Fanabeazam-pirenena.Raha tsiahivina dia nahatratra 19,50/20 ny salan' isa ambony indrindra azon' ny mpianatra ka ny ankizy telo voalohany tamin' ny sekoly miisa fito no indray nomena fanomezana . Voakasik’izany ny Ceg Radama, Reference, Augnagneur, Ratsimilaho, Rahahatahitra, Tsarakofafa, Mangarano…Tsiahivina moa fa manokana cours maimaim-poana ny Association-ntsika amin’ity taom-pianarana 2017-2018 ity ho tosika famporisihina ireo hanala fanadinana BEPC.

Pati