Actualités

Asa sosialy - HAFARI “Tsy maintsy vitako ny fanambiko”, hoy i Jean Nirina R

Actualités
Alakamisy 30 Novambra 2017

Na dia maro aza ny olana nosedrain’ny filohan’ny fikambanana HAFARI Malagasy Rafanomezantsoa Jean Nirina tamin’ny fanatanterahany ireo asa sosialy entina hanampiana ny mpiara-belona dia nomarihiny manokana omaly fa tsy maintsy vitany ny fanamby napetrany.

Noresahany manokana ilay tetikasa fifindra-monina ao Soaniedanana, PK 67 lalam-pirenena fahefatra izay efa misy trano manodidina ny 274 miorina. Ankoatra izay, efa misy tsena koa ao Soaniedanana. Natsangana ihany koa ny fiangonana izay hiitatra amin’ny famatsian’ireo mponina any an-toerana vato eto an-drenivohitra manomboka amin’ity herinandro ity ahitana ny moellon, pavé, ny granite, gravillon ho an’ireo liana amin’izany. Tsy latsa-danja amin’izany ny fanampiana ireo mponina eto an-drenivohitra toy ny famadihana ireo trano hazo hanjary ho trano biriky, ny famahana ireo karazan’olana momba ny ady tany, asa izay tsy maintsy hovitaiko hoy Rafanomezantsoa Jean Nirina na ho ela na ho haingana. Mikasika ny resaka valifaty manokana moa dia nomarihiny fa tsy hanao izay mandrakizay ny tenany ary tsy hamelona ny vady aman-janany amin’ny alahelom-bahoaka.

Pati