Actualités

Asa fanaovan-gazety Maro ny ezaka tokony hatao eto Madagasikara

Actualités
Alatsinainy 13 Septambra 2010

Mbola maro ny ezaka tokony hatao ho fanatsarana ny asa fanaovan-gazety eto Madagasikara hoy ireo Tonian�ny fanoratana ny gazety maromaro nihaona tao amin�ny Villa Fitiavana, tranon�ny Mpanolontsaina amin�ny Serasera sy Kolotsainan�ny Masoivoho Amerikana, Atoa Brett Bruen mivady ny faran�ny herinandro lasa teo.

Naharitra adiny iray sasany ity fihaonana ity, izay nifampizarana vaovao sy niresadresahana ny tontolo manodidina ny fiainana eto Madagasikara na ara-politika, na ara-tsosialy na ara-toekarena, ary indrindra ny asa fanaovan-gazety amin’ny ankapobeny. Fotoana ihany koa nanamafisana ny maha-zava-dehibe ny fandraisan’anjaran’ny tanora amin’ny fampandrosoana ny fiaraha-monina, ary nampanantenan’ny Masoivoho Amerikana ny famindrana ny Centre de Presse na Foiben-toeran’ny Gazety, izay tao Antanimena talohan’ny fifindran’ny Masoivoho teny Andranomena, ka haverina aty ampovoan-tananan’Antananarivo tsy ho ela, mba ho akaiky kokoa ny mpanao gazety ka hampirisika azy ireo hitsidika izany toy ny teo aloha indray. Isam-bolana no heverina hanantaterahin’ny Masoivoho Amerikana ity karazana fihaonana amin’ny ireo Tonian-dahatsoratry ny gazety sy ny haino aman-jery eto an-toerana ity mba hifanakalozan-kevitra sy hifandinika ny mety ho fiara-miasa ho fampandrosoana ny asa fanaovan-gazety, no sady koa hizaran’izy ireo ny vaovao misy eo anivon’ny masoivoho amin’ny ankapobeny.

Jean D.