Actualités

Antsiranana Hitokona ny mpitatitra anio

Actualités
Zoma 21 Mey 2010

Resaka tany nomena ny orinasa mpaninjara solika Jovenna ao amin’ny Gare routière no fototry ny disadisa. Nanampy trotraka ny olana sedrain’ny mpitatitra amin’ny zotra rezionaly mampitohy an’Antsiranana amin’Ankifiny. Araka ny loharanom-baovao avy any an-toerana dia nisy ny fifampiraharahana teo amin’ny Jovenna sy ny Kaominina ambonivohitra Antsiranana, hanomezan’ity farany ampahan-tany ao amin’ny Gare routière ao SCAMA hanorenana toby famatsiana solika. Etsy an-daniny ny Jovenna dia hanamboatra sy hanatsara ny fotodrafitrasa eo amin’ity toby fiantsonan’ny fiarakodia. Re anefa fa tsy ankasitrahan’ny ankamaroan’ny mpitatitra io fanapahan-kevitra io. Tsy mahafaly ireto mpitatitra ireto, indrindra ny amin’ny zotra rezionaly ny tsy ahafahan’izy ireo manao ny zotra mivantana mampitohy an’Ankifiny amin’Antsiranana renivohitra, fa mijanona eo Ambalavelona.

Nangonin’i Jean D.