Actualités

Antsirabe Midangana ny saran-dalana

Actualités
Talata 28 Aogositra 2012

Manjaka indray ny gaboraraka eo amin�ny lafiny fitaterana ao Antsirabe amin�izao fotoan�ny fialantsasatra sy famadihana izao.

Tafakatra hatrany amin’ny 12.000 Ariary mantsy ny saran-dalana mampitohy an’Antananarivo sy Antsirabe amin’izao fotoana. Raha ny sarany ara-dalàna hita ao anatin’ny fiara anefa dia 8.000 Ariary, saingy noho ny hamaroan’ny olona mivezivezy dia manararaotra indray ny mpitatitra. Raha ny fanazavana izay tsy mitombina ataon’ireo mpitatitra dia noho ny fahamaroan’ireo mpamonjy famadihana aty Vakinakaratra no tena mba hararaotin’izy ireo satria aorian’izao dia mety ho maina indray ny tsena. Anisan’ny mbola malaza moa ity famadihana ity aty Vakinankaratra. Tsy ity zotra Antananarivo Antsirabe ity ihany no ahitana fisondrotana fa saika ireo zotra anatiny ihany koa. Ny mankany Ambatolampy, ohatra, dia tafakatra 5.000 hatramin’ny 6.000 Ar raha toa ka 4.000 Ar izany hatramin’izay. Anisan’ny olana tsy mety milamina ity resaka saran-dalan’Antsirabe ity raha mitaha amin’ireo zotra hafa satria rehefa vanim-potoanan’ny Paska ihany koa dia mitranga hatrany ny fanararaotana ny mpanjifa toy izao. Misy hatrany ny ezaka ataon’ny ATT saingy « misy mihaino? », hoy ny kilonga kely.

Caius R