Actualités

Antanetibe-Ambohidrapeto Mpirahavavy nanasa lamba niara-maty an-drano

Actualités
Alatsinainy 29 Desambra 2014

Loza tsy roa aman-tany no nanjo ity fianakaviana iray teny Ambohidrapeto ny sabotsy lasa teo satria dia zanaka vavy 2 no niara-maty tao anatin�ny indray mipi-maso.Raha ny fitantaran�ny olona teny an-toerana dia niaraka nanasa lamba izy mirahavavy

Haingotiana (13 taona) sy ny zandriny Felana (11 taona).Nibolisatra ka latsaka tao anatin’ilay dobo ity farany, niroboka hamonjy azy ilay zokiny kinanjo dia niara-nilentika izy mirahavavy.Efa somary lalina ihany moa ny dobo amin’izao fotoana izao satria efa miditra ny rano. Teny Andrafotsilahy fokontany Antanetibe Ambohidrapeto no nitrangan’ity loza ity, hatry ny omaly hariva raha ny fitantaran’ny mponina avy eny an-toerana dia tena mbola tsy tonga saina ary tsy mety mino ny fahafatesan’ireto menaky ny ainy roa vavy ireto ilay renim-pianakaviana.Efa fotoana fiakaran’ny rano ankehitriny koa mila mailo sy mitandrina ny tsirairay satria ny loza rehefa ho avy tsy mampandre.