Actualités

Antananarivo Renivohitra Hiezaka ny tsy hanala mpiasa

Actualités
Alakamisy 29 Desambra 2016

Miatrika fivoriana ara-potoana ny filankevitra Monisipaly mandinika ny vinavinan-tetibola taona 2017.

Nanomboka ny talata 27 desambra teo, izay tanterahina ao amin’ny lapan’ny tanàna ary haharitra ny 10 andro ny fivoriana. Mbola niandry ny lalàna mifehy ny tetibola avy any amin’ny fanjakana izay vao afaka notanterahina ny fivoriana. Tsy mbola nahazo « subvention » tamin’ny fanjakana faobe ny kaominina Antananarivo Renivohitra. Na izany aza dia hisy fiakarany 28 % ny tetibola 2017 mihoatra ny tamin’ity, noho ny loharanom-bola vaovao, sy ireo hetra ary haba vaovao. Anisan’ny vinavina ny tokony hanampiana isa ireo « Agent de recette » eto amin’ny kaominina Antananarivo Renivohitra fa vitsy. Na dia eo aza ireo sakana sy ny olana maro izay mianjady amin’ny kaominina dia nilaza ny eo anivon’ny fiadidiana ny tanàna fa tsy hisy ny fanalana mpiasa fa ezahina aza ny hitazonana azy ireo.

Jean D.