Actualités

Antalaha Risoriso ny solika, lavareny ny delestazy

Actualités
Zoma 28 Desambra 2012

Ratsy fiafara ny taona 2012 ho an�ny mponina ao Antalaha. Ritra efa hatramin�ny talata ny solika amin�ireo toby mpaninjara telo misy ao an-tan�na, ka dia manjaka ny risoriso.

4000Ar ka hatramin’ny 4500Ar ny iray litatra amin’ny lasantsy. Tamin’ny 21 desambra nefa no nisy famatsiana farany. Ankoatra izay dia mahery vaika koa ny delestazy. Misy fahasimbana ny milina miisa telo mpamokatra herinaratra an’ny orinasa Jirama ka dia mahatratra 12 ora ny faharetan’ny fahatapahan-jiro, tranga izay tsy mbola nisy tao Antalaha. Ho avy anefa ity ny fety, vanim-potoana tena ilana solika amin’ny fivezivezena na koa handefasana gropy handrehetana jiro any ambanivolo, toy izany koa ny herinaratry ny Jirama izay tena miasa amin’izao faran’ny taona izao amin’ny fikarakarana sakafo, fikojana tarehy amam-bika ho an’ny vehivavy ary ny asa aman-draharaha sy fihariana mila herinaratra.

Nangonin’i Jean D.