Actualités

Ankizy voailika amin’ny fianarana Misy ny ezaka ho fampivoarana

Actualités
Zoma 27 Aprily 2018

Nifarana tamin’ny fomba ofisialy ilay tetikasa momba ny fampivoarana ny fanabeazana ny ankizy marefo izay voailika anaty rafi-pampianarana eto Antananarivo.

Nokarakarain’ny fikambanana Soeur Emmanuelle sy ireo mpiara-miombon’antoka izany ary notohanan’ny Vondrona Eoropeanina. Raha tsiahivina dia nizara telo ity tetikasa ity, nisy ny momba ny haitaratasy ho fampianarana ara-tsekoly ho an’ireo ankizy 7 hatramin’ny 18 taona. Faharoa ny fampandrosoana ankapobeny ny ankizy ary farany ny fanamafisana ny fiaraha-miasa amin’ny mpiara-miombon’antoka hampivoatra ny sehatry ny fanabeazana. Fantatra fa ankizy 100 mahery nitsoaka na tsy nianatra mihitsy no raisin’ireo mpiara-miombon’antoka tahaka an’i Hardi sy Manda amin’ny ivontoerana isan-taona. Ireo dia ezahina averina ao anatin’ny sehatry ny fampianarana ka ampidirina eny amin’ny sekoly fanabeazana fototra sy ambaratonga voalohany. Manoloana izany dia mpanabe matihanina 12 no handray an-tanana ankapobeny ireo ankizy ireo ary 430 ny isan’ireo tokony horaisina an-tanana. Noho izany ezaka izany dia 80% amin’izy ireo no tafaverina an-tsekoly ary sekoly 30 mahery sy fianakaviana miisa 350 no mandray tombontsoa amin’ity tetikasa ity.

Tsiry sy Marigny A.