Actualités

Ankazoabo Atsimo Miaramila 9 matin�ny dahalo, 11 naratra mafy

Actualités
Alakamisy 27 Aogositra 2015

Omaly maraina tokony ho tamin�ny 10 ora, tao Andabo 10 km miala ny tan�nan� Ankazoabo Atsimo, dia raikitra ny fifandonana teo amin�ny mpitandro ny filaminana sy ireo dahalo 85 lahy nirongo basy mahery vaika ny sasany, avy nangalatra omby zato mahery tao amin�ny tan�nan� Andabo, afak�omaly alina

. Raha ny vaovao voaray farany, dia miaramila 9 no namoy ny ainy lavon’ny balan’ny malaso, 11 hafa tamin’ireo mpitandro ny filaminana nanara-dia ihany koa naratra mafy. Dahalo dimy kosa no fantatra hatreto fa maty voatifitra, ary nentin’ireo dahalo sisa velona nandositra ny omby rehetra ka mbola karohina hatramin’izao, hoy ny loharanom-baovao akaiky ny mpitandro ny filaminana. Latsaka afovoan’ireo dahalo izay maro an’isa lavitra ireo miaramila ka dia norarafan’ireo malaso ny tifitra variraraka ka tsy dia tena afa-nanohitra firy. Fantatra fa misy avy amin’ny Capsat Soanierana ireto miaramila maty tany Ankazoabo atsimo ireto, araka ny loharanom-baovao iray.

Eric R.