Actualités

Ankatso Hitatra hatramin�ny novambra ny taom-pianarana

Actualités
Alakamisy 30 Septambra 2010

Tonitony teny Ankatso omaly, na samy mbola hita ho hendratrendratra be ihany aza ny mpianatra andaniny, ny mpandraharaha ankilany ary ireo mpampianatra ao amin’ny sendika, taorian’ny roa andro nampafampana teny an-toerana. Tsy fantatra izay mbola ho tohiny. Fa na izany aza aloha dia natomboka omaly ny fizarana ny vatsimpianaran’ny mpianatra. Filaharana lava no hita teny an-toerana. Tonga ihany koa ny vola karaman’ny mpandraharaha, izay fototry ny fitokonana farany ity. Ny resaka mandeha dia mety hitohy hatramin’ny volana novambara vao hifarana ny taom-pianarana raha tokony hifarana ny volana oktobra noho ny fahatapatapahana nateraky ny fitokonana, im-pito nisesy raha tamin’ity taona ity, noho ny resaka vola tsy voaray avokoa na nampifilafilaina vao nomena. Raha izay dia tsy ho azo hodivirana koa ny fitakiana vatsimpianarana ho an’ny volana faha-10 nianarana. Ka dia ho hita eo ny tohiny.

Jean D.