Actualités

Anjozorobe Kitra nivadika gidra, telo no voatifitra !

Actualités
Talata 18 Mey 2010

Raikitra ny lokabe nandritry ny ady baolina kitra izay nihaonan’ny ekipa roa tao an-toerana, izany hoe tao Anjozorobe. Niha niakatra hatrany ny hafanana teo amin’ny samy mpijery vokatry ny volabe nihodina rehefa samy niloka ny olona maromaro. Nandeha ny hiakiaka sy ny fifanakalozana vavabe. Ny niafarany dia nisy iray tsy nahazaka rehefa resy ny ekipa nalainy. Nentim-po io farany io ka namoaka basy ary tsy nisalasala nitifitra. Olona telo no naratra tao anatin’ny savorovoro. Ny nampalahelo dia tsy fantatra hoe iza ilay nahavanon-doza noho ny habetsahan’ny olona nijery ilay fihaonana. Afaka niafina tao anatin’ny besinimaro ilay olon-dratsy izay tsy mbola hita hatramin’ny omaly. Ireo naratra kosa dia voatery nentina teto an-drenivohitra mba hanavotana ny ainy. Noho ny halebiazan’ny fahavoazana mantsy dia tsy vita tany Anjozorobe intsony fitsaboana azy ireo.

r.d