Actualités

Andranonahoatra-Itaosy Volan'ny Jirama Ar 30 tapitrisa voaroba

Actualités
Zoma 05 Novambra 2010

Jiolahy enina mitam-basy indray no nanafika teny Andranonahoatra-Itaosy omaly antoandro. Tokony ho tamin'ny 1 ora sy sasany no niseho ity fanafihana ity. Fiara 4x4 an'ny orinasa Jirama haka ny vola tamin'ny sampana Jirama eny an-toerana no nosakanan'ireo jiolahy raha izy hivoaka avy naka ny vola iny. Vola 30 tapitrisa ariary no najifa tamin’izany niaraka tamin’ny fiara. Nambanan'ireo jiolahy basy ireo olona 4 tao anatiny izay mpandray volan'ny orinasa ny roa ary mpiambina ny iray miampy ny mpamily. Saika hamaly ilay mpiambina ka novelesin'ireo jiolahy ny vodi-basy ary naratra. Lasan'ireo jiolahy toarian'izay ilay fiara rehefa natosik'izy ireo hiala ilay mpamily. Hatry ny omaly dia nenjehin'ny zandary ity fiara Nissan 4x4 miloko fotsy ity mitondra ny laharana 6667 TAN saingy tsy mbola nahitana mangirana. Voalaza moa fa nihazo ny lalam-pirenena voalohany ireo jiolahy nitsoaka.

Fa