Actualités

Analakely Nikomy ny mpamily taxi-be

Actualités
Zoma 16 Jolay 2010

Tsy nisy nety niala teo an-toerana ireo mpamily taxi-be marobe. Ny antony dia mba ho firaisankina amin’ny namany iray izay nalain’ny polisy ny taratasin’ny fiarany rehefa nisy fifamaliana teo amin’ny roa tonta. Manao hetsika tsy hijanonan’ny taxi-be eo anoloan’ny gara Soarano mantsy ny polisy noho io faritra io tsy misy toeram-piantsonana. Ao anatin’izany anefa dia raikitra avy hatrany ny fangalana taratasy sy fanomezana sazy isan-karazany rehefa lazaina fa misy ny tsy fanarahan-dalàna. Tsy vitan’izay aza fa nisy saofera maromaro ihany koa voatery nentina tany amin’ny biraon’ny polisy. Izany rehetra izany no nitarika ny fahatezeran’ireo namany hafa izay tsy nety niala teo amin’ilay fiantsonana niaingain’ny olana omaly. Niteraka fitohanana lavabe ny zava-nitranga. Voatery nampiasa hery ny mpitandro ny filaminana ka naka ireo saofera izay voalaza fa nikomy eo anatrehan’ny mpitandro ny filaminana.

r.d