Actualités

Ambohibao Efa miriaria sahady ireo FIS voasambotra

Actualités
Alarobia 12 Mey 2010

Anisan’ny nahoraka ny fisamboran’ny zandary ireo olon’ny FIS tetsy Ambohibao izay voalaza fa «nanotra » Karàna iray teny an-toerana. Nolazain’ireo fa misy fitoriana mahakasika ilay Karàna any aminy ary hampiakarina avy hatrany ny raharaha raha tsy manome vola azy ireo. Volabe an-tapitrisany maro izay tsy nisy teo no ho eo teny amin’ilay Karàna no notadiavin’ireo mpanotra. Nangataka fotoana arak’izany itsy voalohany mba hahafahany manangona ilay vola. Mailo anefa izy ka avy hatrany dia nampandre ny zandary ihany koa tao anatin’izay. Nisy ny vela-pandrika napetraka ary sarona ambodiomby ireo FIS telolahy haka ny vola. Ny nahagaga dia tsy ela akory taorian’izay dia efa hita miriaria sahady indray izy ireo. Raha ny vaovao azo dia nisy ny fandrahonana ilay Karàna mba hanatsoaka ny fitoriany. Nanaiky izany io farany mba ho fiarovana ny ainy. Dia vitavita foana teo ny raharaha...