Actualités

Ambilanibe Andavamamba Trano efatra no indray may

Actualités
Alatsinainy 17 Jolay 2017

Trano efatra no indray may tetsy amin’ny fokontany Ambilanibe Andavamamba ny sabotsy antoandro teo tokony ho tamin’ny 11 ora. Vokatry ny “court circuit” avy amina tokantrano iray no nahatonga ny loza.

Vokany, vetivety dia niitatra ny afo ka tokantrano telo manodidina ihany koa no lasibatra. Raha araka ny fanazavan’ireo nanatri-maso dia tsy tokony ho niitatra be tahaka izao ity hain-trano teny Ambilanibe Andavamamba ity raha tao an-tokantranony avokoa ny tompon-trano. Nisy tamin’izy ireo mantsy no lasa nivoaka ka tsy nisy mihitsy ny fomba nahafahana nifehy ny afo. Na izany aza dia vetivety foana dia tonga ny mpamonjy voina ka fiarabe miisa telo no indray nanao ny asa. An-tapitrisany maro ny entana lasa lavenona tao anatin’ireo tokantrano efatra ireo saingy tsy nisy kosa ny aina nafoy na ny naratra mafy. Mbola miantso hatrany ny rehetra ny sampana mpamonjy voina mba samy hitandrina amin’ny afo. Somary maherihery mantsy ny rivotra amin’izao vanim-potoanan’ny ririnina izao izay manome aina haingana ny afo vetivety tokoa.

Pati