Actualités

Ambatondrazaka Mbola betsaka ireo feno taona tsy manana kopia

Actualités
Alakamisy 21 Desambra 2017

An-jatony ireo Malagasy feno 18 taona no ho miakatra tsy manana kopia sy kara-panondrom-pirenena ao anatin'ny distrika Ambatondrazaka. Kaominina sub Urbaine sy ny Urbaine Ambatondrazaka no nanatanterahana fitsarana mitety vohitra ao anatin'izao faramparan’ny herinandro izao. Fanamby, hoy ny avy eo anivon'ny prefektiora ny hisitrahan’ny rehetra feno 18 taona kopia sora-pahaterahana sy kara-panondrom-pirenena mialoha izay mety ho fifidianana hotanterahana amin'ny taona 2018. Nohalefahana avokoa ny fomba rehetra mety hahazoan’ny olona ireo zavatra anankiroa maha olombelona azy ireo. Mifanindran-dalana amin'izao hetsika izao dia manentana ny olona mananjo rehetra ny rantsamangaikan’ny CENI na Vaomieram-pirenena mahaleotena misahana ny fifidianana hanara-maso ny lisi-pifidianana.

Niry R.