Actualités

Ambatolampy-Vakinankaratra Tsy manaiky ny hidiran’ny Sinoa hitrandraka volamena

Actualités
Sabotsy 16 Desambra 2017

“Aleo misoroka toy izay mitsabo”, hoy ny depiote Randrianjanahary Soloniaina Olivier voafidy tany amin’ny distrikan’Ambatolampy Vakinankaratra,

mikasika ny toe-java-misy any amin’ity distrika misy azy ity ankehitriny dia ny fitadiavan’ny teratany sinoa hitrandraka bontolo ny volamena misy ao amin’ny kaominin’i Belambo sy Morarano avy amin’ny tany namidin’ny orinasa Tanetilava tamin’izy ireo. Lasa matahotra vahiny ny vahoaka any an-toerana, hoy ity depiote ity, noho ny fitondran’ireo sinoa “machine détecteur” ary miditra ankitsirano ao an-tokotanin’olona rehetra mihitsy. Tsy manana taratasy am-pelatanany izy ireo afa-tsy ny “permis environnementale”. Hentitra ny teninay, hoy ny depiote Soloniana Olivier, tsy mila sinoa manorim-ponenana any aminay izahay fa manimba ny fiharian-karenan’ny mponina ankitsirano izao izy ireo.

Ntsoavina Evariste